Poetry by Karlo Antonio David | September 16, 2012
Nagising ang puyat na gamo-gamo
Mula sa sandaling idlip
Giniginaw sa hangin ng umaga
Nakikita niya ang ninanais
Sa ilalim ng kumot
Na hinabi ng gagamba
…hahalikan siya ng manghahabi
At hindi na siya magigising
—
Si Karlo Antonio G. David ay 2012 gradweyt ng AB Literature mula sa Ateneo de Davao University. Nakapagdalo na siya sa Bacolod at Dumaguete writers workshops.
Poetry by Diana Jean Tuquib | September 16, 2012
Sayo pa sa buntag
ang puti ug pino nga pukot
gidayandayanan og
brilyantes nga nagsidlak-sidlak.
Sa daplin sa pukot
usa ka itom nga kalimutaw
hinay-hinay nga nagsubay-subay
ug hilom nga nagpaniid.
Taudtaod, usa ka pulang pares nga pako
nitugpa sa mga puting hilo
ug nangahagbong ang nakapilit
nga mga brilyantes.
Nagkisi-kisi ug nagkapay-kapay
Naningkamot nga makabuhi ug makaikyas.
Apan giduol kini sa kalimutaw
ug gilikosan og puting hilo.
—
Si Diana Jean C. Tuquib uska 3rd year MassComm student sa Ateneo de Davao University.
Poetry by Djamyla Millona | September 9, 2012
Ang kagabhion
Morag kape nga gisabyag
Nganhi sa kalibotan.
Nangagda
Ang langit
Nga tan-awon
Ang nagdayan-dayang mga bituon
Sa iyang aping.
Hinay-hinay nga gisaliporan sa mga panganod
Ang maanyag na hulagway
Sa buwan
Ug ang gamayng gatas na gisabwag apil sa
Itom na kagabhion
Nahanaw
Ug gipulihan og kangitngit
Sabay sa bugnaw
Nga ginhawa sa hangin.
Taudtaod,
Gihilak sa langit ang mga bituon
Nga nangabuak paghapak sa yuta.
Apan walay nakasaksi niini
Kondili ako lang
Na naanod sa kangiob sa kagabhion
Naghilak pod og mga bituon
Samtang naghandom
Sa gugma mong
Gisabwag sa tanang dapit
Pwera lang sa akong kasingkasing.
—
Si Djamyla nakahuman sa kursong BSED-Englsih sa Ateneo de Davao University. Hilig niya ang pagtan-aw sa langit kada gabii.
Poetry by May Claire Anne Sy | September 9, 2012
Ang kinabuhi sa studyante pirte gayong pobreha
Mata og sayo, magbaktas aron lang jod maka skwela
Unya pag abot sa skwelahan, asa na ang maestra?
Sus! Tan-awa, una pa ko sa iya!
Paghuman sa tibuok hapon na studying
Gawas sa gate palit dayon juice ug saging
Kapait gyod sa panahon sige ko og wondering,
Pasagdii na lang kay ani man gyod ang graduating.
Niabot ang panahon, ako sige og drama drama
Kay ang mga requirements pirti gayong mahala
Dapat ako di mawad-an og pag asa
Kay kabalo ko ginuo nagtan-aw ra.
Sa kataposan niining akong balak
Maka graduate unta ning giahak
Hinaot pa untang dili ko makahilak,
Kon di ko man matapos daghan kong balak.
—
Si May Claire Anne Sy migradwet gyod sa AB Literature niadtong Abril 2012 gikan sa University of Southeastern Philippines.
Poetry by Florie May Maslog | September 9, 2012
Gahapon …
Naa ko sa may punoang akasya
Naghulat basig moagi siya
Pero morag wala man jod siya
Siguro basig busy siya.
Karon …
Naa ko diri sa may punoang akasya
Naghulat basig moagi na jod siya
Hala! Tuara na jod siya!
Hay! Nakompleto ra jod akong adlaw tungod niya.
Ugma …
Moagi na pod kaya siya?
Basta maghulat ra ko niya
Diri gihapon sa may punoang akasya
Para mapalipay na pod ko niya.
—
Si Florie May Maslog bag-o lang migradweyt sa AB Literature sa University of Southeastern Philippines.
Poetry by Jessrel Gilbuena | September 2, 2012
bisan pa nag-atubangay tang duha
buot kong moatubang pa gyod nimo
buot tutokan pag-ayo imong pahiyom
buot gakson ang matag takna
ug kon mahimo pa lang
tukohan ang gaway sa orasan
apan wala na koy mahimo kon
buot nimong molingiw
ug sa imong paglakang palayo
buot ko na lamang pamuniton
imong nagkahanaw nga mga tunob
—
Kining balak ni Jessrel E. Gilbuena nga taga-Cebu maoy nakadaog sa unang ganti sa balak sa 2012 JY Balacuit Memorial Literary Awards, ika-19 nga Iligan National Writers Workshop, Mayo 14-18, 2012.
Poetry by Niel Patrick Aguilando | September 2, 2012
Gihugawan nimo ang akong puti na sanina,
gamit ang itom ug hugaw mong kamot.
Gigisi sa kapintas ang puti na sanina,
ang mga kambras nabilin gihapon.
Pilit nakong ginatanggal ang mga mantsa,
gitahi pod ang mga gisi.
Pero nabilin gihapon ang mga lakra,
morag uwat gikan sa naayo nga samad.
Mga mantsa ug hugaw na di matangtang,
maskin ikapila kuskuson ug sabonan.
Di na puti ang akong sanina,
mora nag trapo tungod nimo.
—
Si Niel Patrick Aguilando uska 4th year AB Literature nga estudyante sa University of the Southeastern Philippines.
Poetry by Jose Antonio Andres | September 2, 2012
The pain of past loves lost caused my eyes to close
Till you came into my life and made me see again
The different shades of green on grass and leaves
Peaceful blues filling the endless sky
Pure innocent whites on the clouds passing by
Different colors of people young and old
The full color spectrum my eyes could behold
But now that you’re gone the colors have turned grey
And I am closing my eyes again.
—
Jose Antonio Andres finished his AB in English from the Ateneo de Davao University in 2010.