buot

Poetry by | September 2, 2012

bisan pa nag-atubangay tang duha
buot kong moatubang pa gyod nimo
buot tutokan pag-ayo imong pahiyom
buot gakson ang matag takna
ug kon mahimo pa lang
tukohan ang gaway sa orasan

apan wala na koy mahimo kon
buot nimong molingiw
ug sa imong paglakang palayo
buot ko na lamang pamuniton

imong nagkahanaw nga mga tunob


Kining balak ni Jessrel E. Gilbuena nga taga-Cebu maoy nakadaog sa unang ganti sa balak sa 2012 JY Balacuit Memorial Literary Awards, ika-19 nga Iligan National Writers Workshop, Mayo 14-18, 2012.

Leave a Reply

Your email address will not be published.

This site uses Akismet to reduce spam. Learn how your comment data is processed.