Tag: Reymond Pepito

Matag hapon sa bukton mo
ako gapauraray, makatog uban
sa imong taghoy, pikpik, ug mga awit.
Sa puting sandong gatuyok
nga nahimong pamaypay
ako kaamgog pagpahulay,
wa mo damha ang binhud sa braso
ug budlay sa patabyog, basta imong palanggang apo
motubong sakto, himsog, ug puno sa kalipay.

Sa paspas nga dagan sa panahon,
sa mga katuigang milabay,
ni-a na ang bugnawng hangin sa aircon
ug mga nga sonata sa youtube ug spotify.
Apan ang simpleng pagkatog
lisud na kab-uton, ang kahimsog
mahal, ug ang kalipay angay pang pangitaon.
Dili sama kaniadto
nga sa imo lamang lig-ong mga bukton
sa imong mga alawiton, ako
luwas, malipayon, ug busog
sa pagpangga.

Kaniadto nga ikaw
ania pa, kauban pa,
Lola.

 

—

 

Si Reymond Pepito usa ka manunulat nga pinangga sa iyang Lola Mina. Gikan sa Lungsod sa Tagum.

Kon mamolak ka’g usab
dili unta paliron sa kusog nga hangin,
dili unta mapopo sa uwan.
Tugoti sa maka-usa pa
nga alirongan kas mga higala
mong buyog ug alibangbang
nga maoy magdala’g kalipay sa oras
nga ikaw mobati’g kamingaw.
Tugoti pud ang adlaw
nga mobusikad, sa tinuod
dugay mo kining gihuwat.
Dili na unta ka motago.
Dili na unta ka mairog
sa pagsugat sa hayag.
Naibot man ko layo kanimo,
sa akong pagkahulog, huwata
ang panahon mamolak pa’g usab
ang imong kasing-kasing.

—
Si Reymond usa ka Social Media Specialist ug journalist, fellow sa Davao Writers Workshop niadtong 2010, og nahigugma sa literaturang Bisaya.

This is not a love poem.
This is a poem
for the paracetamols you gave me
in Misamis when I was sick,
for the smiles you’ve shown me
at the Jacinto office when I was weak,
for the efforts of cheering me up
while I was making my impossible thesis,
and for that long warm embrace
that I will miss.

This is a poem
for the days of story telling
about yourself and the people you cherish,
for the sleepless nights
where we shared bitter secrets,
and for the demanding weeks
where we studied and wrote articles.

This is a poem
for the short simple kind words
you’ve sent me over the phone,
for the exchange of irritating
yet funny online tweets
every midnight,
and for the old-fashioned pet names
we call each other.

This is a poem
for the awkward moments,
for last night’s silence in the car
as we passed Matina Crossing,
for the dry seasons spent
at the McDonald’s.

This is a poem
for the memories
which have taught me
to keep myself safe,
away from the troubles
of friendship’s weakness.

Seriously,
this is not a love poem.

—
Reymond Pepito is a Social Media Strategist at Hijo Resources Corp. He was a fellow of the 2010 Davao Writers Workshop.

Naningkamot sa pagsuwat og balak,
dagkong singot ang mitulo sa agtang
makita lang ang mga pulong
nga modakop sa akong kahulogan.
Nagsugat ang mga kilay sa paghunahuna.
Nanagat og inspirasyon sa lain-laing dapit,
maskin gagmayng butang hatagag bili,
Sa panghinaot nga unta ang mahimong balak
basahon sa mga mambabasa
ug makakita silag imahe, makabatig emosyon
ug labaw sa tanan, makaingon sila
nga kining suwat nimo, Doy, balak gayod!
Dili yaga-yaga sa pinulongang binisaya,
Dili ulaw-ulaw sa literaturang Bisaya,
Ug pwede ipasigarbo sama sa mga buhat
Sa iladong magsusulat nga Bisaya.

Apan, hangtod karon, pakyas gihapon.
Padayong nagtulo ang dagkong singot,
Nagsugat ang mga kilay,
Nanagat og inspirasyon sa bisan asang baybayon.
Bisag pakyas ako,
Sa ngalang taga-Mindanaw ko
Ug midako sa Tagum,
dili ako moundang,
dili gyod ko!

(Lagi. Kinahanglan gyod writing spirit.- Macario Tiu, ed.)

—
Si Reymond Pepito migradwet sa AB Mass Communications sa Ateneo de Davao University sa 2012.

Ang akong Pebrero
Mingaw,
mura’g nagbag-ong tuig sa syudad
nga nakabsa’g pabuto.
Minos,
Mura’g drayber sa jeep
nga walay pasahero.
Problemado,
Mura’g manlastohay
Nga perme abunado.
Pusoy,
Mura’g tindahan sa among silingan
Nga wala pa gani bulan
Hala to-a, nanirado.

Ang akong Pebrero,
Pastilan!
Ang dala kon dili
Sakit sa dughan
Sakit bulsa’g ulo.
Maayo pa’g magtoon
kos taman
kay dili madugay,
mahuman ra ko
dinhi sa Ateneo
mupaso, bitbit ang diploma
karong Marso baynti-kwatro.

—
Si Reymond usa ka Mass Comm student sa Ateneo de Davao, editor-in-chief sa Atenews, ug Fellow sa Davao Writers Workshop 2010.

Gusto ko mobalik pagkabata
Kanang dula ray hunahunaon
Saputon kon sayos buntag
paligoon, molaag sa pikas balay
Muoli’g makadungog sa sitsit
ni nanay ug tatay kon oras na tingkaon.

Gusto ko mobalik pagkabata
Kanang walay dautang tinguha
Kanang limpyo ang hunahuna,
mahadlok lang kon mapawngag suga sa kasilyas,
mohilak kon di paubanon ni nanay sa palengke
kay mahugaw ra daw ko didto,
Ug adunay mangidnap ug bata.

Gusto ko mobalik pagkabata
Kanang dasig kayo kon makakita’g libro
Basahon konohay ug kusog,
morag korek nga nagtuon
Eksayted sa quiz papers kon ibalik ni ma’am
Kay matod ni tatay, kon maka-100 ko
Iyahang paliton bisan unsay akong gusto.

Gusto ko mobalik pagkabata
Kay karon,
Wala nay manitsit tingkaon
Wala nay mamokaw aron ko paligoon
Daghan nay malisya
Daghan nay kahadlokan
Daghan nay butang angay hilakan,
Ultimo kadasig pag-ablis libro
Nawagtang,
uban sa akong pagdako
uban sa mga panahon
nga kaniadto
kami kompleto,
Si Nanay
Si Tatay
Ug ako.

—
Reymond is a 4th year AB Mass Communication student of Ateneo de Davao University and a fellow of Davao Writers Workshop 2010.

wings of a butterfly
covered my eyes
So gentle, so sweet
so smooth like a dye.

Reasons are not here
to answer me why;
why those gentle wings
made me smile,
made me cry.

—-
Reymond Pepito is a Mass Comm student from Ateneo de Davao University.

Sa imong paglili,
napuno ko sa kakulba,
sa kanerbyos ug sa kabalaka.
basin kon makita mo
ining dako kong liki,
di na ko nimo undangan;
maganahan ka’g kulkog,
hangtod sa di na nimo lun-an.

Sa imong paggunit,
dyutay pangurog
ang akong nabati.
misamot sukad imong
gibasa ug gipaslakan
gamit ng gahi mong butang.
singot pay ako
di gayod mabangbang.

Sa imong pagduot,
kangulngol akong nabatian
gitusok mo ning
liki’g pinakalit,
Aguroy! Perte na lang gayod kasakit!
Uyog nganhi, uyog ngadto
Pastilan… Kalami!

Hay na lang dok, salamat,
naibot ra gyud ning ngipon
sa bungi.

—
Si Reymond estudyante sa Ateneo de Davao University.