Sa Balay ni Fatima

Fiction by | July 14, 2019

Nakamata si Fatima tungod sa salibo nga misulod sa iyang kwarto. Dili pa gyud unta siya mubangon kay lami pa matulog og balik. “Panuway man ning ulana oy!” gisapot nga naghuna-huna si Fatima dungan sa pag sirado sa basa na nga bintana. Nagbukot kini og balik sa iyahang habol ug gitandayan ang duha ka unlan hangtod nga nitikongkong na kini ug taman tungod sa katugnaw. Day-off niya karong adlawa ug wala siya’y ubang plano kun dili matulog kay gikapoy siya sa iyang duty sa milabayng gabii.

Usa ka nurse si Fatima apan dili gyud kini ang iyang gusto nga trabaho kaniadto. Bentaha daw kung nurse kay maka-abroad pagkahuman ug eskwela; butang nga makatabang sa ilang tumang kalisod. Ug tungod kay mahal mu-eskwela ug nursing sa Davao, nangita sila ug barato nga tunghaan. Hantod naabot sila sa Marawi City sa diin full scholar siya hangtod nga maka-gradwar.

Continue reading Sa Balay ni Fatima