Pakopyahin mo na nga ako
– Matuto ka nang makisama –
Sige na, huling beses na ‘to
Lahat na nga ay nasa iyo
‘di mo pa kayang magparaya
– pakopyahin mo na nga ako!
Syet kasi ‘tong teacher nating ‘to
Wala namang silbi ‘tong quiz niya-
(Sige lang, huling beses na ‘to…)
Sige ka, at kasalanan mo
Kung hindi ako makapasa!
Pakopyahin mo na nga ako!
Believe me, ‘tol, kahit ayoko
Requirement na pati kumopya
(-kaya nga huling beses na ‘to…
(…Amin pa kaya ‘tong buhay na ‘to?
Basta, tapos na ‘to mamaya…)
– Pakopyahin mo na nga ako
talagang huling beses na ‘to.
—-
Karlo Antonio David is a 3rd Year AB English student of Ateneo de Davao University.