Kapag naririnig ko ang il postino
Nag iiba ang aking mundo.
Napupuno ng iyong masasayang alaala
Na minsa’y nakatago sa munting box kong dala-dala.
Kapag naririnig ko ang il postino
Nag iiba ang anyo ng aking mundo.
Maaliwalas, napupuno ng pag-asa
Ang aking damdaming nakabilanggo, nagpapaubaya
Ang aking tinatanging panaginip, napapantasya
Ang imaheng na ako’y nasa iyong bisig. Napakasaya
Sa duyan ng mga nota ng biyolin, piano at gitara,
Ikaw at ako, pinag-iisa.
Il Postino Para sa Iyo
Poetry by Wang Loreto | June 6, 2009