Kini nahisamag atabay
ug lagutmon.
makainom ang giuhaw
sa kahibulong
mahimo sab busgon ang gakutoy
nga alimpatakan.
sa matag kitkit
nimo sa mga pulong
usapa pag-ayo hilabina ang
mga pakli sa tanghaga
ug ilad-ok sab
ang gaawas nga
pagtulon-an
aron dii mahaw-ang
sa kakulangon.
diha sa imong panumdoman.
Fellow si Renner Sasil sa 2019 Davao Writers Workshop. Miyembro pod sa Himugso Kolektibo ug BATHALAD-Mindanao. Waiter sa buntag ug sa gabii usa ka magbabalak nga nakig-asoy sa iyang musa mahitungod sa iyang kapakyasan sa gugma.