Category: Poetry

Kasubo sa giabandonang balay

Poetry by | September 11, 2011

Ubay-ubay nang katuigan nga ako
nag-inusarang gabarog dinhi
sa kangiob ug kahilom.

Gimingaw ko
sa pangurikuri sa kusina,
sa lalis ug labing-labing sa mag-asawa,
sa away-away sa mag-igsoon.

Kaniadto, saksi ako
sa mga sekretong
gitrangkahan sulod
sa banyo ug mga kwarto.

Apan niadtong
naminyo na ang mga anak,
ug gasunod na’g pamauli
balik sa yuta
ang mag-asawa,

Wa nay laing
gapuyo dinhi
kon di ang kahaw-ang
ug handomanang
giabogan
ug  gipuy-ag lawa-lawa.

ug sulod sa mga katuigan,
hinayhinayng nawala
ang akong pagkabalay.

—
Paul is a fellow of the 17th Iligan National Writing Workshop from Dipolog City.

Gusto ko mobalik pagkabata

Poetry by | September 11, 2011

Gusto ko mobalik pagkabata
Kanang dula ray hunahunaon
Saputon kon sayos buntag
paligoon, molaag sa pikas balay
Muoli’g makadungog sa sitsit
ni nanay ug tatay kon oras na tingkaon.

Gusto ko mobalik pagkabata
Kanang walay dautang tinguha
Kanang limpyo ang hunahuna,
mahadlok lang kon mapawngag suga sa kasilyas,
mohilak kon di paubanon ni nanay sa palengke
kay mahugaw ra daw ko didto,
Ug adunay mangidnap ug bata.

Gusto ko mobalik pagkabata
Kanang dasig kayo kon makakita’g libro
Basahon konohay ug kusog,
morag korek nga nagtuon
Eksayted sa quiz papers kon ibalik ni ma’am
Kay matod ni tatay, kon maka-100 ko
Iyahang paliton bisan unsay akong gusto.

Gusto ko mobalik pagkabata
Kay karon,
Wala nay manitsit tingkaon
Wala nay mamokaw aron ko paligoon
Daghan nay malisya
Daghan nay kahadlokan
Daghan nay butang angay hilakan,
Ultimo kadasig pag-ablis libro
Nawagtang,
uban sa akong pagdako
uban sa mga panahon
nga kaniadto
kami kompleto,
Si Nanay
Si Tatay
Ug ako.

—
Reymond is a 4th year AB Mass Communication student of Ateneo de Davao University and a fellow of Davao Writers Workshop 2010.

Farmer's Outburst

Poetry by | September 4, 2011

Translation of Bugiot san Parag-uma by Harold Mercurio

My neck now stiffens
Looking up at the sky
For the rain to fall.

The mounds are now stricken by black ants
Where corn is planted
For it to grow.

The carabao wallows
In its bed of clay
To cool its body burning from heat.

When will the water system
Flow in the rice field
As promised by those in power?

Bugiot san Parag-uma

Poetry by | September 4, 2011

Nagtig-a na akon liog
Paghinangad sa langit
Kun san-o mahuhulog an uran.

Ginhantik na an mga luho
Nga gintamnan mais
Paghaluna nga tumubo.

Lumukot na la an karabaw
Sa galot niya nga higdaan
Pagpapinit san nasusunog nga lawas.

San-o daw la maawas
Sa danaw an patubig nga
Ginsaad san mga gamhanan?

—
Phil Harold L. Mercurio is a faculty member at the Northwest Samar State University (NwSSU) in Calbayog City and an NCLA Coordinator for Eastern Visayas.

Vivo

Poetry by | August 28, 2011

Hinabi ang mga kulay, at dinampi sa may lona
Upang tingkad ay mabuhay at magkadiwa ang obra.
Ginuhit ang mga hugis, mga detalye at linya
Upang mapukaw ang tamis ng gunita’t ala-ala.

Bawat katha ay hinubog ng matalim na haraya.
Bawat obra ay bantayog ng tagumpay at ligaya.
Nililok ng pagsisikap, pinagtibay ng pag-asa
Ang pagtupad ng pangarap, at paghulma ng korona.

Ngunit makipot ang daang tinatahak ng malikhain
Bago anihin ang bungang itinanim sa dalangin,
Bago sumibol ang tinta at magliyab ang damdamin,
Bago matapos ang obra at mabuksan mga tabing.

Bawat pinta ay sagisag ng inipong karunungan.
Bawat kulay ay liwanag ng nabuong kamalayan.
Bawat dampi, bawat hampas, nahubog ang katauhan,
At ang pinakamimithi ngayo’y pinanghahawakan.

—
Jhunorjim Zandueta is a computer engineering student.

Makina

Poetry by | August 21, 2011

Namatay ang makina ining Bao
sa pagsaka sa puntod sa Taguanao.
Halos wala koy madunggang tingog,
puyra ang pangagho sa iyang kasubo.
 
Samtang nagtulo akong singot
sa pagtunob sa gasolinador,
nitutok lang siya sa ukbang hapon.
Ug nasaksi kong nahiusa siya sa kinaiyahan.
 
Niagos ang mga yamog sa walog sa iyang dughan
nga gadutdot sa akong hunahuna.
Gigitik akong buot sa iyang agulo
samtang nagdul-it ang init sa akong kahilom.
 
Nagduka nalang ang salumsom,
gapadayon lang gihapon kog kubi ug susi
taman sa nahawoy nakong paglimbasog
og buhi ining tayaong Bao.
 
Nagtan-aw nalang ko
sa suba nga naghaganas sa Taguanao.
Ug kalit nauyog ang palibot.
Niplastar iyang kumingking
 
sa akong paa. Kini nikamang,
nikamang ug nikamang. Nasindol
ang kambyada. Nabuhi ang makina.

—
Mark Daposala was a fellow in the 18th Iligan National Writers Workshop. He is taking up graduate studies in English at Xavier University.

Storya sa Palahubog

Poetry by | August 14, 2011

Gikan ko namatay
tungod sa tanduay
sige pa, sige pa tagay lang ng tagay
tan awa, sakit na akong atay

Gikan ko sa kalayo
tungod sa marlboro
sige pa sige pa suyop lang ug suyop
tan-awa cge nag ubo

Gikan ko sa basura
sige og suka
sige pa, putak lang ug putak
tan-awa, mura nag wakwak

Hina-hinay kog baklay
padulong sa among balay
sige pa part, barag-barag ni bay
tan-awa mura na kog kalay

Salamat naa nako sa kwarto
splak daun diretso
sige pa, hagok lang ug hagok
tan-awa, gipaak ug lamok

Gi pukaw ko sa akong mama
para siya manga-saba
sige pa saba lang ug saba
baho rabag baba

Yati kaau ning ulo
hangover kaau
sige pa, sakit ug sakit
tan-awa absent na ko, kapait

Lami na kaayo magbag-o
ngano man lisod kaayo?
di na jud ma utro
pero lami man jud kaau

—
Darryl Louie Pueblos Labial is 22 years old, a philosophy graduate of Xavier University in Cagayan de Oro working as a volunteer for Campus Ministry.