Har… lingkod diri sakong kilid,
tan-awon natong mag dugo ang langit!
Naa ko’y dala isa ka bag na aligotgot.
Kan-a ning mga bildo sa akong kagahapon.
Ali, Har, ayaw lang gud kaulaw.
Mura’g samin ang tubig oh!
Aha paka…
istoryahan natong kalibutan,
samtang naka atubang ta sa dagat!
Har, ikaw ang tubig sakong kinabuhi.
Nagpakalunod ko ani
Mawala lang ang namilit nga balas sa lawas
Pero salamat ha
Gi-paak ko diri ug niknik!
Har, talikod
Ibton sa nako ning mga bildo sa imo likod.
Waka kabantay ani?
Ikapila taka gi-ignan?
Naka-ungkit diri sa lubi,
akong mga bilin para dika makalimot.
Paduol sa mga nag-bulang bawod.
Magpabukot ta diri
Sabay natong sumbagon ang dagat.
Gikapoy naka, Har?
Ali, higda sakong mga paa.
Tan-awa gi unsa ug pintal ni adlaw ang langit.
Tua pa, ning halok pa sa tubig…
Diri lang sa ta karon, Har
Unya nata uli.
Jone Harry Gatela earned his bachelor’s degree in 2025. Beaches have always been a source of comfort and inspiration for him.