Tugoti kong biyaan ka samtang
gihigugma pa tika.
Kon naa na ko sa syudad,
gilamoy sa kaguol sa kasaba,
ang himno sa imong kalasangan
ang akong hinumdoman,
dili ang mga paghot
sa gipangkagid nimong mga iro.
Kon mangutana sila bahin sa imo,
ang katam-is ra sa tubo ang akong ipatilaw kanila,
dili ang basura sa imong tugkaran.
Naa pa tuod ang lakra sa imong tiil
diri sa akong dughan
sa dihang imo kong gibadyakan,
apan tugoti kong biyaan ka
kay naa pa koy gugma.
Domar Batucan Recopelacion writes from Matanao, Davao del Sur. His poems have appeared in Dagmay, Bisaya Magazine, and Mekong Review.