Katingad-an ang kabugnaw
ning napulong gabii sa Pebrero.
Makalisang, kay di nako masuta
Kon diin kini nagikan:
sa bugnawng huyohoy sa lasang
o sa mapanglimbawot nga taghoy sa kasingkasing?
Makalisang!
Pero usa ra akong nabantayan,
Gapangurog ang akong kamot.
Igo sad nga makatagik tag balak
Samtang gapaabot
Sa iyang mainitong mga halok.
Si Angelito Nambatac JR usa ka lumulupyo sa Dakbayan sa Iligan ug kasamtangang naghuman sa kursong Masters in Culture and Arts Studies (MCAS) sa MSU-Iligan Institute of Technology. Sakop sa sumusunod nga hugpong sa mga magsusulat: BATHALAD-Mindanao, Himugso Kolektibo , ug Tigsugilon.