Karon, kitang duha adunay higayon na magkaistorya
Pero dako akong kaguol kung unsa akoang isulti sa imoha.
Nahadlok ko mogamit ko og mga jamming nimo
Kay basin dili ka ganahan og mamali ang akoang tiyempo.
Karon naa sa akong atubagan na tika
Wa na ko’y laing mabuhat kundi makipagstorya jud sa imoha
Apan, unsaon ko man lagi ni?
Kung naa ka, hilomon man ning tawhana ni.
Pero matod pa ni Buber,
Na ang pakigstorya kinahanglan lang akong kaugalingon
Kay wala na’y mas lain pang nindot na ika ingon
Kundi ang akong kasing-kasing na matinud-anon.
Mao nang wala na koy jamming na iingon pa
Kay ang tanan nakong isulti angay jud sa imoha.
Di nako kinahanglan mo sulti og pampabukhad atay
Kay kini mismo akong tula para lang kanimo Inday.
—
Si Karlo usa ka estudyante AB Pilosopiya sa Ateneo de Davao University.