(from the series: poems inspired by women issues)
1
Kadlawon na buntag na sab
Nahimata ako, mibangon
Usa ka habol na lang ang
Akong pil-on ug hiposon
2
Hinay-hinayog pag-punit
Ning mga buhok nga nahabilin
Ipiyong ang akong mga mata
Ug subayon ta ang gugma
3
Human pag-pagon ang unlan
Ug matag pilo sa habol
mahulagway ang kaagi
Sa lamesa,bintana
4
Sa kawarto ug sa haligi
tsinelas niya sa daplin
didto sa ilawum sa bangko
nag-inusara naghulat
5
Plantsahon ning unipormi
Murag ihatod ko na siya
Padulong sa kamatayon
Bugnaw ang singot sa agtang
6
Saksi ning lawak, ang unlan
Ang habol, ang moskitero
Gaksa ako , o kamingaw
Tugnaw o habuli ako
7
Sa imong pag-inusara
Litratong pilo tan-awa
Mga hulagway tan-awa
Ayaw’g kalimti dumduma
8
Saksi ang lawak
Saksi kining unlan
Saksi kining habol
Gaksa ako, o kamingaw
9
Ug dili nako manghunaw
basin makalimtan ko na
amoy sakong palangga
Gaksa ako, o kamingaw
—
Si Noy Narciso usa ka magtutudlo sa Ateneo de Davao University. Daghan siyag talento: musikero, aktor, direktor, pintor, eskultor.