(Base sa “The Lottery” ni Anton Chekhov)
Ang mag-asawa naa sa lamesa, nagameryenda. Si mister nagabasa ug dyaryo.
Sus, tanawi ni o. Makipag-away daw ang Pilipinas sa China tungod sa Spratleys, maayo ra ba kung naa gyud tay laban.
Ay ambot lagi niana uy. Kanang China tanan na lang ginaangkon.
Mao. (mobalik ug basa)
Ay Dong, tanawi daw ang numero sa iswipsteyks karon. Gitaya nako birthday ni Lalang, basig diay suwerte.
Sus tuo ka ana uy. Nagasayang sayang lang kag kwarta sige’g taya. (pangitaon sa dyaryo ang resulta sa swipsteyks) Naa diri. Unsa man imong numero?
Bertday lagi ni Lalang, Dong. Nakalimot na ka sa bertday ni Lalang?
Wala, oy! Setyembre 10 man to, di ba?
Mao lagi na ron. Daghan man gud kaayo kag anak ba! Si Boy tong Setyembre 10. Si Lalang Disyembre 18.
Unsang ako ang daghan ug anak. Mga anak pud na nimo no! Disyembre 18… 12… 18…
Hay sus dugaya ba ani oy—
(mukalit sara sa dyaryo niya gunitan si Inday) Day! 12 18 ang unang duha ka numero!
Ha! Tinuod ka? Dali, patanaw ko patanaw ko!
Tuo lagi sa akoa! Unya na tanawi!
Hala ka Dong, uy! Dako na baya ang premyo ana karon. 100 milyon naman ata to. Sus Ginoo, unsaon man nato nang 100 milyon, uy!
Unsaon pa man, ipalit ug balay niya sakyanan!
Tama dyud na! Didto ta sa asa gani to, sa Monterich! Mao ba to?
Dili oy, del Monteritz to oy! Sagad ka, ra! Mupalit tag lote ug balay didto, niya mupalit tag, unsa gani to, kadtong, gwapo na sakyanan, Hammer! Para dagko ba!
Siguraduhi ra na dako imong garahe para masakto na!
Ay wala na nay problema; dagko gyud atong balay! Ipifth floor pa nato!
Pifth ka karon dira. Fifth! Sus dapat musulod diay kag Inglish School Dong para istoryang datu pud ba! Basig sawayon ta na Bisdak. Murag si Dyunisia ba!
Tama bitaw no. Sige sige, mukuha pud tag ing-ana. Niya ibalhin na pud nato ang mga bata sa Atineo!
Tama! Sus kawswerte ba ni Junior, siya dyud ang dili makaagi ug public school da! Ang malas si Bry-bry, college na lang wala gihapon katungtong ug Atineo!
Bahala na uy, hatagan bitaw nato siyag kwarta pangkapital niya sa iyang negosyo!
Mao pud. Niya Dong! Maka-honeymoon na dyud ta sa gawas sa Pilipinas!
Hay sus Ginoo! Muadto gyud tag Europe Day, muadto tag Eipel Tower niya sakaun nato to! Niya magswimming ta didto sa asa gani to, sa Niagara Pols!
Makaswimming ba diay ka didto? Dili ka malumos didto?
Dili uy! Mura ra na siyag slide slide, ayaw kabalaka.
Huy Dong, lamia siguro nianang kinabuhi no! Niya hapit na nato na mabuhat! Tanawi na ang duha ka numero, dali!
Kadali lang kadali lang! Unsa imong ulahing numero?
Kadto lagging kanusa gipanganak si Lalang! 94 ang last Dong!
9—Nyawa ra. 94? 95 ang naa diri day! 95! Piskot, sayanga ato oy!
Ha?! Pagsure bitaw oy! (mutanaw sa dyaryo) Ay yawa! Nganong sa 1994 man gud gipanganak si Lalang?!
Ma, 95 gud ko.
Ayaw’g pamakak dira mabunalan gani tika!
Wala ko namakak ma, 95 lagi ko. 17 pa baya ko karon.
Piskot! Ikaw, bertday sa imong anak wala ka katigo?
Hoy ikaw man gani abi nimo bertday ni Boy ang bertday ni Lalang!
Unya ako nagpatad sa lotto, ako, ako?
Kung ikaw nagpatad, wala gihapon ta’y pag-asa no?!
Ay ambot nimo oy. Maginom sa mi sa’kong mga amigo!
Hala sige hawa diri!
—
Si Emiko usa ka estudyante sa Ateneo de Davao University sa kurso nga AB English.