Lumubog ako
sa dagat
ng mga tuyong dahon.
Sumisid ako
upang likumin
ang mga tagong yaman.
Sa pag-ahon,
gumawa ako ng kastilyo
at nagsaboy ng mga dahon.
Hindi ko napaghandaan
ang pagdating
ng alon ng mga dahon
na kumain
sa aking mga yaman at kastilyo.
—
A poet for children from General Santos City. MJ Tumamac is a member of Kuwentista ng mga Tsikiting (KUTING) and Linangan sa Imahen, Retorika at Anyo (LIRA).