Café na Walay Kapi

Poetry by | November 21, 2010

Je prends un thé au lait.
Je prends un thé nature.
Un café noir, s’il vous plait.
Voila!
Merci,
Monsieur.

Saba raw diha!
Aw, unsa ba diay?
Wa man ta sa France.
Naa lang sa kegeyen.

Adto ta sa Café na walay kapi.
Sa Divisoria, sa Night Café.
Merkado sulod sa Café, sa gabii lang.
Night market man pud ang tawag sa uban.

Ukay here. Ukay there.
Ukay-ukay everywhere.
Bag. Sanina. Sapatos. Sandals. Tsinelas.
Brief. Panty. Medyas. Kalo.
Ug uban pang putos sa lawas.
Mantel. Habol. Punda.
Katre ug may kutson pa.
Di puede na masipyat ug kini malantawan.
Sa (Night) Café na walay kapi.

Kwek-kwek. Tempura. Fishballs.
Squidballs. Mani. Chicken skin. Popcorn.
Chicken dung, huh?
Mangga. Santol.
Ug uban pang kaprutasan.
Buko juice. Samalamig. Mineral water. Tubig lang jud.
Grip juice, juice sa gripo, kung naa man.
Tanan puede matilawan.
Sa (Night) Café na walay kapi.

DVD.VCD.VHS, huh? Apil player.
Comedy. Action. Drama. Fantasy.
Kingkoy. Tawo. Porn. Kini!
Mapalit sa (Night) Café na walay kapi.

Dulaan. Alahas. Lighter.
Yabi. Gunting. Calculator.
Nail-Cutter. Pusher. Nipper.
Panglimpyo sa dalunggan.
Toothbrush. Calendar. Posters.
Ug uban pang mga magamit sa balay.
Mapalit ug mahangyo pa,
Sa (Night) Café na walay kapi.

Iro. Iring. Langgam. Halas.
Dagko. Gagmay.
Bisag unsa nga mananap.
Kay cute lagi, hangtud cute na lang.
Kay mahal man, di man mahalin.
Tanan nakadisplay na lang.
Ang mga luoy na mananap,
Sa (Night) Café na walay kapi.

Mga Magikero. Riders. Bikers.
Exhibitionist, tan-awa namumo.
Haha….Mga komedyante.
Mga sige ug debate: Asa ang
Ginoo? Kinsa ang Ginoo?
Aduna bay Ginoo. Mga Higala paminaw kamo.
Ang mga banda. Dancers. Singers.
Contortionists. Mimes. Musician.
Technician. D.J.’s. Hosts.
Mga cute. Pa cute. Pangit. Guapa.
Arang-arangon. Masuroy.
Gi-indian. Gibiyaan. Gi-ilad.
Way balay. Mga pulubi. Pobre.
Mga bata, dula-dula. Tu-a ra nadam-ag.
Hilak-hilak. Mama, papa.
Hala wala na sila, nawala.
Ang bata na nawala.
O ang bata wala lang gyud mga
ginikanan.
Mga hubog. Busog. Tarong.
Kulang-kulang. Buangon.
Buang jud. Mga ga-inigat.
Igat jud.
Prostitute.
Callboy.
R.T.A.
Pulis.
Sundalo.
Si Mayor.
Ang siyudad.
Tanan sa (Night) Café na walay kapi.

Mga kan-anan. Bongga!
Tanan makaon, huna-huna-a.
Matsambahan, anaa.
Mahal. Barato.
Libre, kung gikan sa lamisa ngadtong
gikan lang mikaon ug milakaw.
O sa nag 1,2,3 dagan!
Hahaha…ka dyoker.
Beer, wow!
Puede magpakabuta-bungol,
Ang kapi kato na lang ang beer.
Kapi nga makahubog.
Hahaha…dyoker.
Sa (Night) Café lang na walay kapi.

Pagkakapoi.
Hala manguli tah.
Ugma na pud.
Biyernes karun.
Sabado ugma.
(Night) Café nasad.

Makit-an na kaha nato ang kapi?

—-
Tyron Keith Maru Varias Sabal is a native of Cagayan finishing his BA Philosophy at Xavier University.

3 thoughts on “Café na Walay Kapi”

  1. nalingaw ko ani, tyron. isip usa ka lumad dinhi sa “kegeyen,” akong na-alimatmatan nga kining kagubot sa “Night Cafe nga walay Kapi” sa “kegeyen” repleksyon sa kayagaw sa atong kinabuhi sa syudad nga nakiglumba sa uban aron mo-uswag. tuod diay, uban kanamo sa panagtipon sa mga manunuwat (BATHALAD-MINDANAO) karong nobyembre 27-28, 2010 sa UCCP Eductaion Center. Didto atong mahimamat ang mga bantogan nga manunuwat. 350 lang ang registration para sa duha kaadlaw nga pagtuon.

  2. wow…great write…that eye must be hyper-sensitive sa sorroundings…imo ning gi deliver in a humorous way but reader like us ponder…bitaw no? tsada xa nga poem…halo2x just like night cafe nga walay kapi…it reflects the eclectic nature of the Filipinos…great write once again!

Leave a Reply

Your email address will not be published.

This site uses Akismet to reduce spam. Learn how your comment data is processed.