Pagpadu’ng sa Jolo (Sakay sa Gamay’ng Eroplano)

Poetry by | November 15, 2009

Layo ang pamalandong sa mata
Samtang naghuwat sa airport sa Zamboanga

Karga ang bug-at nga bag
Puno ug bisti ug mga pulong sa asawa nga mga tambag

Ang camera, computer ug mineral water,
Daghang papel, gisuksok sa pikas bag nga di-zipper

Hantud nanawag na ang laki’ng taga Seair
Boarding na ang eroplanong 19-seater

Dayun sa su’od, sa gamay’ng bintanang palingin dayun modungaw
Ug bisan sa kaigang, maminsar pag-usab sa katuyuan ug laraw

Mahunong lang sa pag-andar ug pagtuyok sa makabungog nga tapiraw
Arun molupad sa padul’ngang gibantuga’ng kulba’g kuyaw.

—-
Yev Honrade works with the GEM Program based in Davao City.

Leave a Reply

Your email address will not be published.

This site uses Akismet to reduce spam. Learn how your comment data is processed.