Ang hangin sa dagat mihuyop
— Simhuta
Sama sa usa ka talagsaung higayun sa kalipay
Nga limpyo
Ug presko
Kauban sa bata nga migunit sa imo’ng tudlo
nga sama sa angkla
Sa pagpangita sa lantawun sa halapad nga baybay
Hain mosawup ug mutungha ang kangitngit ug kahayag
sa hunahuna taliwala sa pagdamgo
Sagradong gutlo sa mata
Busa namnama kining milagro
Milagro sa pagbati.