Matod nila, anghel akoang hulagway
Barog ug pustura nindot kunuhay
Ikog duulon ug istoryahon
Kay basig silay di akoang tagdon.
Akong nasinati ang kahiubos sa ilaha
Sanglit wa koy mahimo kun mulikay ko anang butanga
Labing kasakit sa kaugalingun
Kay sayop tanan ilang gipang-ingun.
Nahulog na hinuon nga nagtago ko sa usa ka MASKARA
Apan ang kamatud-anan wa giyud giapangutana,
Kaharuhay ni ining kinabuhi nga pirminti ta itimbaya,
Apan angay ba akong makaamgo nianang butanga.
Hayahay manginabuhi sa kinabuhing tunhay,
Apan lisod kay dili ko usa ka LABING ULAY