Ang sa susama kong buyog mao’ng gapalipay
sa matag buntag nga paglupad ug sa iyang pagbukhad,
ug akong makita ang kanindot niini.
Samtang gakamang sa iyang gihay,
mga tag-as nga sagbot nga gapadayon
sa pagpanalipod sa iyang ka putli.
Hantod sa kami mag- inilugay.
Apan ako ang makadali-dali og tusok,
suyop nianang iyang duga
nga susama ang katam-is sa gilanay’ng asukal,
ug maoy mohupaw sa dughan kong gahinamham.
Apan sayod ako nga ang gumamela sa pagbukhad
Dili ta mag dugay. Kay kung mongitngit
ang adlaw, kini musira
ug dili na mag tingganay.
John Karl Butaslac is a Grade 12 Arts and Design Student (Literary Arts) from Davao City National High School.