Kita ko’g kulungan nga mura’g kwarto apan walay sulod
Bantog ra! ang baboy anaa sa akong likod
Hugaw ug baho
Butakal man diay tu
Hadlok mutan-aw; kadasmagon-dili sa akua
Apan ang Anay, asa?
Nitan-aw napud ko sa palibot nga murag kwarto nako
Nanimaho pud lagi ko
Nikalit ug dasmag ang butakal sa akua
Nakamata ko!pastilan nga damgo mura’g tinoud
Nagtan-aw ko sa palibot sa kwarto nako
Naay nagtindog sa pultahan,
Diay akong amahan
Nakulbaan ko, parehas ra ang tinan-awan niya sa baboy
hinaut nga damgo nalang pud unta ni.
—
Glaiza Jimenea is an AB-literature student in USeP-Obrero.