Kuyaw G'yud Akong Mama

Poetry by | June 18, 2017

Kuyaw g’yud akong Mama
Iyang kalipay hasta rang mabawa
kay sa dihang migawas ko aning kalibutana,
sa akong pag-“owah, owah”, perti na niyang himuota
Kuyaw g’yud akong Mama
kaniadtong ako gamay pa,
gitun-an ko niyang mulakaw.
Apan karon, di ko palaagon. Hahay si Mama…
Kuyaw g’yud akong Mama
Kay ku’n gane tugunong magpapukaw kog alas syete,
pukawon ko’g alas sais dayon muingog,
“bangon kay alas otso na!”
Kuyaw g’yud akong Mama
Muadto’g merkado kay kuno mag-shopping ug para niya
Apan inig gawas, iyang bitbit puros para sa amoa
Apan duna sad g’yud pu’y higayon
nga makuyawan ko sa akong Mama
kay usahay mas pinangga pa niya
iyang gamit sa kusina kaysa’s akoa,
Hahay! si Mama…
Tuod wala g’yuy makalupig sa gugma
ug pag-amuma sa mga ginikanan
Apan bisan pa man ug wala na ang usa
ang paghigugma ni Mama
Di gihapon hilayo sa kadtong naa pa si Papa
Kuyaw g’yud akong Mama
Apan mas kuyaw g’yud ang Ginoo kay gigasahan ko Niya,
ug kuyaw nga Mama.


Christhelle G. Gerona lives in Tagum City. She is a second year student of BS Agricultural Engineering in University of Southeastern Philippines.