Panggaon pod unta ko nimo
nga sama sa usa ka hilanat.
Hilanat nga way kunhod ang kainit.
Kainit nga gikaluhaag takig.
Takig nga di buot magpabukot,
daw suol sa lawm nga pangabubho.
Pangabubho nga di pahaplas
kay dili na mosalig sa pasalig.
Pasalig nga maukal ras usa ka ubo.
Ubo sa usa ka tandogonon,
dali rang malisa sa kundat sa kalag.
Kalag nga lisay sa imong bugan
apan lisay ning akong dughan.
Dughan, intawn, kining dughan
kong baskog kanunay sa imong
sapot, tiaw, pagbuot… kay lagi
ako man ang imong abtanan,
imong usa ka panapton nga habol,
imong usa ka kutsaritang tambal.
This poem is part of Adonis Durado’s poetry collection, Lisay sa Bugan, that was recently launched in Davao city. Adonis Durado is the author of two previous collections, Dili Tanang Matagak Mahagbong (2008) and Minugbo Alang sa Mugbo og Kalipay (2009). He was the recipient of several literary awards, including the Emmanuel Lacaba Prize for Cebuano poetry, the Outstanding New Writer Award (Cebuano Studies Center and Faigao Foundation), and the Writer of the Year (Bathalad Foundation). You may read the English translation of this poem here.