Ayaw katingala
kon tawgon sa bulan
ang imong ngalan.
Kon usahay iya kang sitsitan
ug tubayan.
Kon kanunay siyang
magsunod-sunod
kanimo matag gabii.
Ayaw kasuko
kon permi ka kuhiton sa mga uwan.
Kon ilaha kang halokan,
kon kanunay silang manoktok
sa inyong puloy-anan.
Ayaw kuhaa ang dahon
nga natagak sa imong ulo.
Ayaw sila daubi.
Pasagdi nga dungan
silang matagak.
Ayaw katingala
sa tanan nimong nasayran.
Apan luyo sa ilang pagtikaw-tikaw,
paminaw:
Ako—way lain—ang nagsulsol
sa ilang kasiaw.
Krisha Rose Pasaol is a 22-year-old published book contributor. She graduated cum laude from Davao Oriental State University – San Isidro Campus.