Miyungyong
sa akong buhok
ang matag lusok
sa tubig,
midagayday
paingon sa panit:
matag kuskos og sabon,
mamugna sab
ang mga bula
nga unya matangtang
uban sa mga hugawng
namilit sa lawas.
Kaniadto, gitudlo-an
ko sa akong amahan
nga mag-ampo
una maligo
ug dihadiha,
ang katugnaw
miangkon kanako,
ako ug ang tubig,
nahimong usa.
Ivan Ridge Arbizo is pursuing an English Language Studies (ELS) degree at Holy Cross of Davao College.