Siya ra gyuy nasayod
sa kanunayong pagpuga sa luha
sa iyang mga mata
nga mingbisbis sa iyang
daan ug bug-at nga unlan
Siya ra gyuy nasayod
Sa kabugal-bugalon sa iyang huna-huna
mga storya nga gubot ra
sa iyang alimpatakan
Suod niya ang kadaghanan
Alegre ang palibot ug naa siya
Makatakod ang iyang ka hapsay
Apan luyo sa katim-os sa iyang mga pahiyom
Adunay kahuyang, adunay kahadlok
apan siya ray nasayod
Igo nalang ako sa pagpamalandong
Apan ngano ako musulay pa og salom sa iyang mga hinyap?
Ngano og samukon ko pa usab akong kaugalingon?
Kung mao ang iya, iya gayud
Kung ang ako, ako gayud
Ug di niya ipa-ambit kanako
ang iyang kasakit,
dawaton ko nalang
ang kahadlok nga nahimugso sa iyang panit
John Ferdinand Torralba is a web-developer, Mechanical keyboard modder, and coffee addict in Davao City.