Nakamata kog tungang gabii;
nalisang tungod sa uwan nga
gahaguros sa amoang atop
Mibakod ug milantaw sa taboanan
ug nasinati ko ang panuyo sa kilat
samtang ginlapdos niini ang mga panganod
Mihigda kog balik, naglaom nga hinaot
muhunong ang danguyngoy sa langit,
hinaot mahimotang na ang kilat;
apan wala. Mipadayon og bundak ang
uwan, ug ang kilat nagpirmi
gihapon og lasong. Ug ako; ako
naghinuktok samtang galantaw sa
gadagayday nga lusok-uwan; imong
nawong iyang ginahuwad.
Sums Paguia is an English teacher at Xavier Ateneo – Senior High School.