Sa pagtikang nako sa ang-ang,
Bitbit ang mga libro
Sa akong tuong kamot
Nakita nako ang duha ka taong nagtingkagol
Ang isa naglingkod, nagdungo
Dapit sa ga kipat- kipat nga suga
Ang isa, mingtukod sa lamesa
Ang mga gasigang mata nga mingtutok
Sa iyang kaatbang.
Tamiaw na ang palibot
Alas onse na ang takna
Naghulat na ang palong-palong nga patyon
Apan kaning balaya saba sa kamingaw.
Misinghag ang lalaki
Singhag nga susama sa taong nasakitan
Midepensa sa mga tumo-tumo sa silingan
Tumo- tumo nga dugay rang gakadunggan
Sa iyang kaatbang
Tumo- tumo nga daghan na ang nakasaksi
Nga ang lalaki gakambyada sa lahing babaye
Mitindog and babaye
Mitalikod sa lalaki
Gikan sa akong pwesto nakita ko
Sa tuong bahin sa iyang mata
Nahulog ang mga kasakit.
Dali- dali niya kining gipahiran
Sa pagtuong buta ang saksi
Milingi ang babaye
Sa akong gitindogan
Naghilak nga mingisi siya og miingon
“Yan nangabit imong papa”
Ianna lives in Puerto in Cagayan de Oro City. She is in her 4th year as BS Education major in Capitol University.