Nilabay na ang Hunyo
Ug ga sugod-sugod napod og ulan.
Murag kita
Na sugod-sugod nasad
atong daan na kahimtang –
Pareha sa ulan
Mo kalit ra og ka kusog
Kung dili, mabundak.
Usahay ga silaw unta ang adlaw,
Unya gaka basa na atong mga likod
Sa pagtulo sa langit.
Katong Marso, gibilin na unta tika
sa init na panahon,
Pero nagbasa ra gihapon akong buot
Tungod sa ulan gikan
sa imong mga mata.
Nag huna-huna ko
Kung madumduman nimo
Ang mga dagat na akong gi puno
Tungod sa atong pag-uban?
Karon
Gina kuptan nimo akong kamot
Kamulo’g hawid sa akong payong.
Mikusog na ang ulan
Og sa akong alimpatakan
Ga bundak pod ang buhawi.
—
Abby James is currently an English teacher at Xavier University – Ateneo de Cagayan.