Gilabnot ako ug ang uban pa,
gikan sa kinasudlan sa manok,
tapad sa batikulon,
gi-abrihan, gisusi, gikuot, ug giwaswasan,
giharinahan, giprito, ug gituhog,
tag-lima sa usa ka bikog.
Sa wala pa gilunsad,
sa bulaw nga mayor,
ang pagpahapsay sa dalan,
makita mi nimong nakalaray,
nag-atang sa mga busawang,
sama nimong,
gamulo na ang tiyan,
sa pagpangaslum sa kagutom.
Kabalo ko unsa imong gusto:
init, bus-ok, ug barato.
Ayaw og kaulaw.
Ayaw og panghugas.
Kinawboy ni nga stayl.
Wala lay utangay.
Hulbot lang og maskin singko,
daw itunol sa tindero.
Ituslob ko sa sawsawan.
Daghan kang mapilian niini:
halang, tam-is, aslum.
Andama ang palad,
sa pagsalo,
sa mutulo nga sarsa.
Kab-uta ang puso.
Lami na ipares nako.
Walay platuhay.
Dinamak ni nga stayl.
Pangitaa lang mi sa suok.
Naa ra mi sa Pabayo gatapok.
Mai is a founding member of NAGMAC (Nagkahiusang mga Mambabalak sa CDO), a community of local poets that mounts CDO Poetry Night. She is also a fellow to the recently concluded Davao Writers Workshop 2014. In her spare time, she hangs around milk tea shops and eavesdrops on people, hoping to write a play about strangers.