Pilua
ang habol
niadtong milabay
nga gabhiona.
Haw-ana
ang tapis
ug lilia
ang silahis
sa sanga-sanga,
motungha
sa imong bintana
Hinay-hinaya,
kutaw-kutawa,
lisu-lisua ang kutsarita.
salura ang gaasong
timbaya ning
kabuntaga.
Tunob,
ayaw kahadlok
sa paghaguros
ning adlawa.
Wala sa mugna
nga numero
sa Bandera
o sa badlis
anang kamota
ang agian
mong
bahada
ug subida.
Tiwasa
Hantod sa pagbagting
sa saktong taknaa.
Kon
Hagbong karon
Antoson.
Ugma puhon
Padayon
—
Born in Davao City and raised in General Santos City, Mark Arlo Segundo is third year Medical Laboratory Science student of the University of the Immaculate Conception.