Panaw sa Ilalom sa Ulan sa Lawod nga Dagat

Poetry by | July 25, 2010

Panaw sa Ilalom sa Ulan sa Lawod nga Dagat
by Ric S. Bastasa

milabay ta sa mga batong
bungtod nga
opaw, sa sakayan nga
walay layag

wala nato damha ang
kusog nga ulan
pagkadagko sa lusok
nga nangahulog
sa aping sa dagat

apan mas dagko ang
sa imo

wa na ko mahikurat kabahin
anang mga mais
nga luha sa langit nga
gitisok sa
lapad nga dughan sa dagat

ang akong nahihumduman
mao lamang nga
init kaayo ang tambutso sa
baroto og duro nakong
hawid sa katig

—-
Si Ric S. Bastasa usa ka huwes sa Dipolog City.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.