Lami kaayo matulog
Kay tugnaw man god.
Ay! Kalain!
Late na diay ko.
Unsaon nako pagligo?
Perteng tugnawa sa tubig
Dili na ko kakaon
Kay kinahanglan moadto na.
Paggawas sa balay,
Nawala ang mek-ap
Kay gibasa sa ulan!
“Para!”
Pagsakay nako sa jeep
Perte pa jod sikipa
Apan nakaabot ra jod ko sa school,
Haay, salamat ra.
Pagkakita nako sa karatula
NO ID, NO ENTRY
Nakatawa jod ko.
Kay naa man koy ID
Walay problema sa entry.
Apan natingala ko
Kay wala may guard?
Pagtan-aw nako sa gate:
NO CLASS TODAY!
Perteng malasa!
—-
Si Fatima Zacaria usa ka Second Year Student sa AB in International Studies-Asian Studies sa Ateneo de Davao University.