Kon mobawog na gani ang kumpay,
Mga bituon motalidhay,
Duyog sa kagabhion,
Mohulat pod nimog padayon.
Diri sa ko maglingkod-lingkod,
Subang gipayongag panganod;
Diris daplin ko moagik-ik,
Inig singgit unya sa langit –
“Pagdali na kay tili-tili na ra ba!”
Ang tangkay mibawog sa huyop sa hangin.
Ang mga bituon mitalidhay apan wa magpabilin;
Gikaon sa kagabhion, naputos sa dayon…
Padayon gihapon ko sa paghuwat –
Diri magtindog-tindog,
Sipa-sipaon ang tuod
Ug maghandom, mag-ampo,
Nga unta wala ka makalimot nako.
—-
Si Rory Ian Bualan usa ka magtutudlo sa High School Department sa Ateneo de Davao University. Hilig siyang mobasag mga nobela ni Steve Berry ug mga obra nila ni Christopher Paolini ug Jonathan Stroud.