Pagod na ang araw
Sa pagmamasid sa luntiang
lupain.
Kasiyahan at hinagpis
itim at puti
paglaya at paglisan
pagbangon at pagkalugmok
pagtangis
buntong-hininga
lahat ay pauli-ulit.
Kaya siya’y hihimlay muli
sa likod ng asul na kabundukan
at sa kalangita’y ipipinta
ang pulang anino
nagbabasakali sa paggising niya’y
may pagbabago.
—
Unang inilathala sa Liwayway Hunyo 16, 2008. Si Krisini Nanini ay nasa 4th year ng kursong AB International Studies major in Asian Studies sa Ateneo de Davao University.