Unang adlaw sa eskwela
Mahinamong miadto
Si Kolot sa eskwelahan,
Giubanan sya sa iyang Nanay Nita.
apan na trapik sila og na leyt sya sa klase.
pag-abot sa eskwelahan, dali-dali siyang milili sa giwang sa pultahan..
miatras siya!
Milili siya pag-usab.
Midagan siya palayo sa iyang klasroom.
Gigukod siya sa iyang nanay og gibira siya pasulod sa iyang klasroom.
“Sulod na sa imong klasroom, anak.”
“Dili ko nay!”
Apan ngano man?
“Basta, dili ko Nay!”
Gipugos siya sa iyang nanay apan mihilak siya
“Dili ko!” ug midagan siya pagawas sa eskwelahan.
Pag-abot sa balay, gpangutana siya sa iyang Tatay Pilo nganong dili siya mosulod sa iyang klasroom.
Mitan-aw siya sa iyang tatay og miingon
“Nahadlok ko Tay!”
“Ngano man?” pangutana ni Tatay Pilo kaniya.
“Perteng dakua sa mata ni titser”
Dakoooo….. kaayo Tay!
Gitawag ni Manong Pilo si Nanay Nita og miingon siya
“Bantog diay dili mosulod ang imong anak sa iyang klasroom, perte man diayng estriktaha ang iyang maestra.
“Ha! Diba Si Titser Dina ang pinakamaayo nga maestra sa ilang eskwelahan? Nganong nakaingon man si Kolot nga estrikta ang iyang maestro? Pangutana ni Nanay Nita kang Tatay Pilo.
“Misiga man daw ang iyang mga mata. Unang adlaw pa gani sa eskwela mura na siya’g tigre,” ingon ni Tatay Pilo.
“Sige lang, sulayan nako og pakig-istroya kang titser Dina ugma.”
Gihangyo ni Nanay Nita si Kolot nga mouban kaniya sa eskwelahan pagka-ugma aron mangita sila ug laing maestra.
Misugot si Kolot apan nagsabot sila sa iyang nanay nga ibalhin siya og laing seksyon.
Pagka-ugma, miadto si Nanay Nita ug si Kolot sa eskwlahan. Leyt gihapon sila kay na trapik napud.
Nangutana si Nanay Nita sa mga ginikanan nga naghulat sa ilang mga anak ug naglingkod duol sa klasroom ni titser Dina, “Nagsugod na ba ang klase?”
“Oo, ganiha ra,” tubag sa us aka inahan.
Milingkod usab sila Nanay Nita og Kolot uban sa mga ginikanan nga nagtapok.
Napul-an si Kolot sa paghulat. Miduol siya s klasroom og gisulayan niya paglili ss giwang sa pultahan.
“Ha! Misiga na pud!” nakurat apan hinay nga gisulti ni Kolot.
“Apan, nganong nangatawa man ang mga bata?”
“Titser, unsay sunod nga nahitabo?” kusog nga pangutana sa us aka bata.
“Titser, gusto kong mahimong tigre kay isog kaayo!” sumpay sa usa pa ka bata.
Nakit-an siya ni Titser Dina nga naglili sa pultahan.
“Unsa imong pangalan?” pangutana ni Titser Dina kaniya.
“Rico Magsanay, titser,” tubag ni Kolot.
“Kolot ang tawag sa akong Nanay nako,” sumpay niya.
“Ikaw diay si Rico? Dali, sulod, ikaw ra ang wala kagahapon sa klase,” miingon si titser Dina,
“Sayang, bibo kayo mi kagahapon. Nag-istorya si titser mahitungod sa kuwago nga kugihan mangita’g pagkaon,” ingon sa usa ka bata.
Rosebell “Neng” Bolences – Narciso is a homeschool mom and a Reading Teacher in ArtHome Tutorial at Sto Tomas, Davao Del Norte. A former Reading Coordinator, Reading Recovery Teacher, Test Item Developer of DEPED and Elementary English Specialist of Basic Education Assistance in Mindanao.