Sa baybay diin lisud kitaon
ang pangandoy, ikaw
midunggo uban sa mga isdang
nadakpan, lab-as, gaginhawa pa.
Sa baybay diin lisud kitaon
ang kahayag, ikaw
mihunat og kusog, galaom nga ugma
ang halin sa kuha, makapalipay sa mga bata.
Sa maong baybay diin lisud kitaon
ang kaluoy, ikaw
gikuhaon sa katungod nga makita
pa’g usab, magakos og huot
ang mga nga rason saimong pagpaningkamot.
Sa baybay diin lisud na
tuohan pa ang kaayo sa tao,
sama sa isdang nasikop sa pukot, ihunghong ko na lamang ang kasakit sa mga balud.
In memory of my brother-in-law Joel.
May justice be served.
Pepito..
Illustration by Noy Narciso