Ang puti, ingnong ito, Galamhan kini
Nga nagasanting sa Kaalindanga;
Dughan daw sa gilimisan: Blangko.
Tanan hanap, lubog.
Deliryo sa kalag, karangot sa tutunlan
Apan sa Kaguton ba? Sa kauhaw ba?
HUlaw! Sa tanlag? Nihit! Sa kalinaw?
Apan dile ba ang Katagbaw
Gipuyos na man sa kasing -kasing?
Apan ang Sukna: Hain?
Ania ra: nagalumlom diay ning Kahiladman!
Karon pa akosa Kaliban. Labaw gyog Kon
Sayop nga tinuyuan –
Kapalit diay sa subasko sa tanlag.
( Tawo nga nasaag sa dumalayong, dalan sa unahan?)
Deliryo! Mao diay kni: Ang puti, ingnong itom;
Ang kahayag tutokan nga lubos kangitngiit:
Apan unsa man diay bulok nlng mga puthawng rehas?
Hain man lawaka ako karon sa kinabuhi?
Hanap na man god
Ag tanan. Nagkalayo. Nagkalayo
***
Si Marcelo Arañas Geocallo, tigtakoban usahay sa mga dagangalang Geronimo A. Molave, Juanario Diez Saez, Ram G. Sañara ug uban pa. Usa ka magsusugilanon, magbabalak, maggugumalaysay ug nobelista sa pinulonganag Binisayang Sugbuanon. Natawo Enero, 1940 sa San Fernando Sugbo apan sayong mitapon sa Linamon, Davao del Norte. Ubay-ubay ang mga pasidungog ang iyang nadawat sa natad sa panuwat. Sa basahong “A survey and Bio-Bibliography” ni Resil B. Mojares, si Geocallo usa sa nahiapil sa nahisgotang kaping gatos ka importanteng Sugboanong magsusulat. Kining iyang balak unang napatik sa Bisaya Magazine, tuig 1967. (Source: https://ceb.wikipedia.org/wiki/Marcelo_A._Geocallo)