Nakahibaw ba ang kabaw nga itom iyang panit,
nagtampisaw sa lapok, ilawom sa init?
Nakahibaw ba ang kabaw nga naa siyay sungay,
nga pwede manungag kung dili ka angay?
Nakahibaw ba ang kabaw nga siya gihiktan,
arun dili makaikyas inig ungad sa basakan?
Nakahibaw ba ang kabaw nga siya kugihan,
buntag, udto, hapon magdaro sa humayan?
Nakahibaw ba ang kabaw nga siya gihisgutan,
niining tula na murag walay kapuslanan?
Samtang sige’g yawyaw ang mga tawo,
ang kabaw nakahibaw na wala siyay reklamo.
Cerdel is a BSEd English graduate, cum laude, from the University of Southeastern Philippines–Davao. An aspiring poet, he is currently writing a collection of Bisaya poems entitled Latagaw na Huna-huna.