Tag: Angela Creman Watts

Sa ilawom sa tulay
Naa didtuy mga balay-balay
Naghuot ning dughan ko
Paglantaw kos mga tao

Hugaw nga palibot
Mga iso wa nay saplot
Basura diri, basura didto
Grabi hugaw pay imo

“Te gai kog piso, naghilak akong manghud oh”
Asa imong mama gang?
Ila raman mong gipasagdaan.
Namasura te para naa mi kan-on
Pagtungtong sa kangitngiton.

Pagkasakitay ning gibati ko
Luha ko ga uros-uros na pag-ayo
Igo rako diri milabay
Mga utaw grabi pa diay sa akoag pagsulay

Nanawagan kos mga politika
Tagai tawn ninyug balay ning mga tawhana
Kuyaw kaayo mog plataporma
Igo ra gayod mos storya.

“Kung ako mudaog, ang mga way balay
Dili gayud magmahay”
Sa dihang pila na katuig ang milabay
Igo ra tawn mo nagpahayahay.

Ginoo ko tabangi kog tuktok sa ilang mga kasingkasing,
Na lamdagan ang ilang mga pangutok
Nga mubuhat og maayo ilang mga kamot
Dili lang sigeg pangurakot.

Naglurat ra ning mata ko
Usa raman sad ko ka ultimo nga tawo
Walay maambag, igo ras pagpaabot
Ning pulongang makaingon nalang kog ambot.

Ambot og kanus a pa
Mahatagan og hustisya,
Kapobrehon muhupas na
Pilipinas magmata ka.

---

Angela Creman Watts is from Lupon, Davao Oriental. She is a second year student of Davao Oriental State University – San Isidro Extension Campus, taking up Bachelor of Science in Business Administration.

Pagkahuman sa pandemya balik nasad ang skwela, 
Mga ginikanan nagkaproblema na kung asa sila mangita og kwarta,
Hahay di jud lalim ning pobre ta makahuna huna nalang tag undang og skwela.
Naa ko diri run sa ilalom sa punuan,
Nag huna-huna sa pagtulun-an nga gihatag sa akong ginikanan. 
Sigeg hinuktok mura najud og katok, 
Kulang nalang kitkiton ko og lamok. 
Dise-otso nako katuig nagpuyo diri sa kalibutan, 
Og ang akong namatikdan di jud diay lalim og wa kay natun-an. 
Daghan parehas sa akoa usa ra ka pobreng uyamot, 
Pero naningkamot arun makab-ot ang among gusto maabot. 
Daghan nakog nasuwayan mga panghinaway sa akong mga katawhan, 
Nga di lagi daw ko makahuman kay di daw ko suportahan sa akong ginikanan tungod pobre ra among angkan. 
Sakit huna-hunaon pero ipaagi nalang sa pagpahiyom, 
Ning mga storyang dili jud makatabang sa imong kaugalingon. 
Kapoy pero padayun, pakpakan rako ninyu puhon. 

---

Hailing from Lupon Davao Oriental, Angela Creman Watts is second year college student taking up Bachelor of Science in Business Administration at Davao Oriental State University – San Isidro Extension Campus.