Dulom na ang palibot,
Ang mga mata wala sang pahuway,
Ang mga tiil gasaot,
Ang mga kamot gakapkap.
Kasanag,
Diin ka?
Hindi maka-uswag,
Nagahibi ang mga mata,
Nadulaan sang balatyagon ang tiil,
Gitago sa likod ang kamot.
Kasanag,
Ikaw nalang ang paglaum
Diin ang pakadtuan?
Sa pangalipay na wala katapusan.
Diin ang dalan?
Hindi ko bal-an.
Yara ako sa kadulom,
Patuloy gatindog sa kawalan.
Ang akon lawas gusto na magsuko,
Sa kadulom, gaandam na magpalamoy.
Pero nagsanag akon panan-aw,
Ang akon mga tiil ginahagad,
May nagkapot sa akon kamot,
“Tara,” hambal niya sa akon.
Makauswag na,
Luha kay ginpahid,
Tiil nakabuhi,
Sa kamot, may naggabay.
Kasanag,
Nag-abot ka.
Sanag na ang palibot,
Nakita sila sang akon mga mata,
Akon mga tiil gadungan saila pagdalagan,
Habang ang mga kamot nakapalupot,
Kasanag, nag-abot ka na gid,
Halin sa mga nagakapot sa akon kamot.
Cyrene Grace B. Ledesma is currently a grade 12 HUMSS student from Notre Dame of Marbel University – Integrated Basic Education. She is 17 years old living in the City of Koronadal, South Cotabato. She is the current associate editor in Filipino of the student publication named Himbon Marista.