Kainit…..Kagin-ot…..Kauluhaw,
ang ginawaslik sang adlaw.
Sang ginlabay ko amon uma sa babaw.
Gataraktak ang balhas nga daw,
luha sang maya nagatuhaw.
Matuod nga ang alagyan kakahuyan,
mayad bitbit ang maramig nga tubigan.
Nalipay sa balos sang sinuptan,
handomanan kag akon mapuslan.
Ang aquaflask akon gina ginahalungan.
Ginpuno ko sing matig-a nga tubig,
para pagtungab ko palang sang iya bibig,
mabatyagan ko gid ang kalamig.
Sining init nga daw gapanglawig,
sa akon lawas nga nagakirig.
“Sang akon abrihan kag tungabon,
nga-a, wala nasulod ini kung imnon?!”
Giinom ni manghod wala naglisensya sa akon,
ang kainit kag kauhaw akon antuson,
kay marayo pa ang irimnan nga bubon.
Matt Ronnel R. Soterno is a college student from South Cotabato, Mindanao, Philippines.