Gatindog siya, iyang kamot nakapatong sa rehas
Sa lantsa nga gadala sa iyaha tabok sa iladong suba.
Iya’ng aping nitambok na gikan sa tunga’ng kinabuhi
Nagpuyo na bugnaw’ng nasod, nag punit og sinina gikan sa salog
Sa mga puti nga dili galimpyo sa ilang kaugaling’ong balay.
Iyaha maning gipili. Gikuha niya ang oportunidad
Sa kumo puno og chokoleyt, tanan gipadala
Pauli para sa mga tao nga nangala sa baho sa
Balikbayan box. Inani siguro ang simhot sa abroad, ingon sila.
Pabalik siya sa mga lingin nga nawong sa iyang mga igsoon
Nga daghan. Ang mga babae, gipangalan liwat
Sa diyosa: Venus, Divine, ug siya, Corazon.
Ang mga lalaki gitagaan og ngalan’g Merkano gikan
Sa iyang papa nga maestro: Aaron, Harold, Henry.
Ilang mga anak gipaskwela na niya pipila ka tuig,
Di maihap sa iyang duha ka kamot.
Ang uban gahulat pod, nakadupa ang kamot.
Una, para mag amen ug mag sugat,
Pero gahulat diay sa ipagawas nga kwarta
Lab-as pa gikan sa ATM, ug iya’ng bag nga puno
Og sinsilyo para i-biba sa party, gabanda sa
Salog nga pula gikan sa floor wax.
Gatanaw siya sa ilaha gapaningkamot makapunit
Sa bulawanong saad, nagkatawa sa mga batan-on
Ug tigulang mo dive sa ilalom, ang singot gatulo.
Sa ilang pagdumdom, siya ang babae nga permi na’y dala
Para sa ilaha basta nakakompra gikan Kagayan.
Pan, prutas, pahuway.
Siya gihapon na, pero karon ipasayaw na sila
Para makapanihapon, ang lechon nga sinaw
Gahulat sa lamesa didto sa komedor sa ilang
Bagong gi-renovate nga balay. Mi-tugtog ang sonata
Ug papaspas sila’g lihok sa ilang mga lawas
Hantod di na siya kaginhawa sa katawa.
Sa kilid sa lantsa, ginahunahuna niya sila
Kamulo’g tutok sa gindailan, iyang panimalayan naglatag,
Gapahuway. Ang Sagay ug iyang saba nga disco
dapit sa uga’ng dyke, ug ang simbahan nga gihimo
gikan sa gapo. Sa gawas sa Benoni, gahulat iyang
mga igsoon, sulod sa bagong multicab
Para ihatod ang tanan pasalubong pauli sa ilang balay.
Abigail C James is the Director of Creative Development at Nagkahiusang Magsusulat sa Cagayan de Oro (NAGMAC). Her works have appeared in the Carayan Journal, the Bulawan Literary Journal of Northern Mindanao, Tinubdan New Voices from Northern Mindanao: A Literary Anthology, and Dx Machina 4: Literature in the Time of COVID-19, the Likhaan Journal Special Issue. She holds a Master of Arts in English Language from Xavier University – Ateneo de Cagayan where she is currently an instructor at the English Department.