Ako nga diri gapungko,
sa dalom sang galuya nga bulan,
gaisip gid sang maayo.
Gatanga,
gapamatyag.
Hindi ko gusto nga maghalin diri
pero wala ta mahimo,
sa akon ‘di sila gusto.
“Damak, baho
wala pulos.”
Gasakit akon dughan,
uliton naman tanan.
Ang langit nga gadugo,
ang manok nga gasyagit.
Ang adlaw nga gabagabaga
nga daw ginasunog akon panit.
“Piste, ara na sya,
ay ka tonto.”
Diri naman ka natulog?
Panglimos sa iban didto.
Halin diri, mag-abri na kami.
Gihimos ko akon mabilang nga gamit.
Silaw ang adlaw ah,
kanami magpaipit.
Arsean Kerk H. Lopez, is a 5th year accountancy student in Ateneo de Davao University.